செல்லமே, சண்டக்கோழி, திமிரு, சத்யம், தோரணை படங்களுக்கு பின் விக்ரம் கிருஷ்ணா மிகுந்த பொருட்செலவில் பிரம்மாண்டமாக தயாரிக்கும் படம் ''தீராத விளையாட்டு பிள்ளை''. விஷால் கதாநாயகனாக நடிக்க ஜோடிகளாக நீத்துசந்திரா, தனுஸ்ரீ தத்தா மற்றும் ஒரு புதுமுகம் நடிக்கின்றனர். இவர்களுடன் முக்கிய வேடத்தில் பிரகாஷ்ராஜ், மௌலி, சத்யன், சந்தானம் ஊர்வசி உள்ளிட்ட பலர் நடிக்கின்றனர். தன்னுடைய வாழ்க்கையை தானே தீர்மானிக்க வேண்டும் என நினைக்கும் ஒருவனின் வாழ்க்கையின் வெவ்வேறு குணாதிசயங்கள் கொண்ட 3 பெண்களை சந்திக்கிறான். அவர்களுடன் அவனுக்கு ஏற்படும் அனுபவங்கள் ஜனரத்சகமாக, சுவையாக, நகைச்சுவையுடன் உருவாகும் இப்படத்தின் படப்பிடிப்பு வரும் 3ம் தேதி சென்னையில் துவங்குகிறது. தொடர்ந்து ஐதராபாத், கொச்சின், கேரளா, மாலத்தீவு பகுதிகளில் நடைபெறுகிறது. இப்படத்திற்காக 5 பாடல்கள் பதிவாகியுள்ளது. சண்டக்கோழி, திமிரு, தாமிரபரணி படத்திற்கு பின் விஷாலுடன் இணைந்து யுவன்சங்கர் ராஜா பணியாற்றுகிறார்.